Iei ai tingoren kinamwe me won V6AK Radio lon March 8-10, 2019 mwirin an fatelo pwe ehe ponueta met we arh tingor ngeni rhon Northwest ren akkunorh ngeni FSM Congress.
V6AK RADIO ANNOUNCEMENT
March 8-10, 2019
NGENI: Aramasen Northwest Election District #5
SENI: Dr. Vidalino Raatior, Northwest Congressional Candidate
ITENAP: Kapasen Kinisou me Tingoren Tipeew
Ngang Dr. Vidalino Raatior uwa mochen atoura ai kapasen kinisou chapur ngeni ami achengicheng aramasen Northwest region ren ukkukun ami etiwa ach tingor okunoch me remi ngeni ewe wis non FSM Congress. Ach we tingor noumi piin pokiten sia fokkun aneanei sipwe aninis ngeni fonuach kei non Namonweite, Pafeng, me Pattiw, fan iten ekkewe ruanu (4) priorities: 1) aninisin sukun ngeni nouch kewe semirit – ika education, 2) fefeitan me ataween fonuach – ika development, 3) tumunun oreniach kewe repwe sopwosopw – ika cultural preservation, 4) kinamween me tipieewin Northwest – ika regional unity.
Ach ennetin omusomus ngeni ami ekkewe oua niffang ngenikich ami we pwungun finata pokiten iei ese ketiw ach mochen sipwe aninis ngeni fonuach kei. Iwe upwene chok ennetin tingor pwe sipwe chok tipetekison, awora ach sufon, netip pwetete, tong, me tipeew ngeni ewe a kefinita me ren aramas. Ina ii nouch chon akkuno me non ewe FSM Congress iwe sipwe anisi pwe an angang fan itach meinisin epwe ponueta.
Upwe pwan tingor ngeni ewe a kefinita epwe tupweni Northwest non ewe FSM Congress pwe epwe wor an tong ngeni aramasen Northwest meinisin akaewin ekkewe fonu ika aramas rese utti non ei fansoun. Amo kopwe anisi meinisin aramasen Northwest pun epwe wor tufich pok, tawe pok, me kinamwe pok. Amo ewe Samol non Lang epwe afeiochuk ren ekkewe niffangen mirit, tong, kirekiroch, me ewe niffangen mosonoson pwe fonuach kei non Northwest repwe fefeita non ach angang fengen me kinamwe fengen.
Tirow sefan me kinisou chapur ngeni meinisin aramasen Northwest. Ua niwin ngeni Merika nge ai tong ngonuk Northwest esapw tongeni much tori ai mano. May the Good Lord bless us all.
Seni Dr. Vidalino Raatior, Northwest Candidate, FSM Congress
END
